Кыргызгидромет тарабынан берилген маалыматка ылайык, түнкү убакта Талас, Ош, Жалал-Абад, Баткен жана Нарын облустарынын кээ бир райондорунда жамгыр жана кар жаашы мүмкүн. Чүй жана Ысык-Көл облустарынын тоолорунда да кар күтүлүүдө, ал эми бул облустардагы айыл чарба аймактарында жаан-чачын болбойт.
Эртең менен жана күндүз өлкөнүн көпчүлүк бөлүгүндө жамгыр жана кар жаашы күтүлүүдө, айрыкча тоолуу райондордо интенсивдүү жаан-чачын болушу мүмкүн. Тоо этектериндеги жана тоолуу жолдордогу участкаларда кар катмары жана тайгак болушу ыктымал. Батыштан 4-9 м/с ылдамдыкта шамал күтүлүүдө, ал күндүз 15-20 м/с чейин күчөйт.
Температуралык режим:
Чүй облусу
түнкү убакта -1...+4
күндүз +5...+10
Талас облусу
түнкү убакта -2...+3
күндүз +7...+12
Баткен облусу
түнкү убакта +2...+7
күндүз +11...+16
Ош жана Жалал-Абад облустары
түнкү убакта +2...+7
күндүз +11...+16
Ысык-Көл облусу
түнкү убакта -3...+2
күндүз +3...+8
Нарын облусу
түнкү убакта -2...-7
күндүз +1...+6
Бишкек шаарында түнкү убакта жаан-чачын күтүлбөйт, бирок күндүз жамгыр болушу мүмкүн. Батыштан 4-9 м/с ылдамдыкта шамал эсет, 14 м/с чейин күчөшү мүмкүн. Түнкү минималдуу температура +1…+3° түзөт, ал эми күндүз максималдуу температура +8…+10° жетет.
Чолпон-Ата шаарында түнкү убакта жаан-чачын болбойт, бирок күндүз жамгыр күтүлүүдө. Шамал батыштан, ылдамдыгы 4-9 м/с. Түнкү температура 0дөн +2°ге чейин өзгөрөт, ал эми күндүз +5…+7° жетет.
