Ал ошондой эле өткөн мезгилдеги транспорт тармагындагы маанилүү жетишкендиктерди белгиледи.
Иштин бир багыты транспорт тармагын цифрлаштыруу болуп саналат. Учурда жүктөрдү бекемдөө үчүн программалык камсыздоо иштелип чыгууда. Ошондой эле электрондук эл аралык транспорттук накладныйлар e-CMR колдонууга байланыштуу пилоттук долбоор башталды. Навигациялык пломбаларды киргизүү үчүн зарыл болгон иш-чаралар өткөрүлдү.
Мындан тышкары, транспорт каражаттарынын уруксат берилген массалары, осьтик жүктөрү жана габариттери боюнча макулдашуу кол коюлду, ал ратификациялоого жөнөтүлдү.
Интеллектуалдык транспорт системаларын өнүктүрүү боюнча жол картасы жана концепциясы макулдашылды, ал жерде негизги кызматтар аныкталды.
Ошондой эле «бештиктин» өлкөлөрү жана үчүнчү мамлекеттер арасында инфраструктуралык долбоорлорду түзүү боюнча чечим даярдалды.
Энергетика тармагында маанилүү натыйжаларга жетишилди, атап айтканда, ЕАЭБде электр энергиясын соодалоо боюнча келишим долбоору иштелип чыкты. Аны бекиткенден кийин электр энергиясы рыногу үчүн технологиялык жана маалыматтык платформа боюнча иш башталат.
Мындан тышкары, жакынкы үч жылга нефть, газ жана нефтепродукттар боюнча индикативдик баланс даярдалды.
Жалпы газ рыногун өнүктүрүү планы жана нефть соодасы жана биржа соодасы үчүн жоболор иштелип чыкты.
