2025-жылдын январь айынан ноябрь айына чейин Кыргызстандагы орточо номиналдык айлык акы 42 954 сомду түздү. Бул тууралуу Улуттук статистика комитетинин төрагасы Бактыбек Кудайбергенов билдирди.
Ал ошондой эле 2024-жылдын ушул эле мезгили менен салыштырганда айлык акылардын 19,1%га өскөнүн белгиледи.
Айлык акылардын эң чоң өсүшү кыймылсыз мүлк операциялары, курулуш, саламаттык сактоо, маалыматтык технологиялар жана байланыш, ошондой эле социалдык кызматтар, кесиптик, илимий жана техникалык тармактар, мейманканалар жана ресторан бизнеси, финансылык ортомчулук жана камсыздандыруу, мамлекеттик кызмат жана коргоо, ошондой эле пайдалы казындыларды казып алуу тармактарында катталды.
