Суук кар жиптерге жана дарактарга жабысып калуусу мүмкүн. Кээ бир аймактарда батыштан соккон шамалдын күчү 15-20 м/с чейин жетиши күтүлүүдө, ал эми Ысык-Көл көлүнүн акваториясында 19-24 м/с чейин болушу мүмкүн. Жолдордо кар катмары жана муз пайда болот, ал эми тоолуу аймактарда кар көчкү болушу мүмкүн.
11 жана 12-мартта түнкүсүн Чүй өрөөнүндө абанын температурасы -8…-13°С чейин төмөндөшү мүмкүн, ал эми күндүз -1…-6°С аралыгында өзгөрөт. Талас өрөөнүндө да ушундай көрсөткүчтөр күтүлүүдө: түнкүсүн -8…-13°, күндүз -2…-7°. Ош, Жалал-Абад жана Баткен облустарында түнкүсүн температура -4…-9° чейин төмөндөп, күндүз -1…+4° чейин жогорулашы мүмкүн. Ысык-Көл ойдуңунда түнкүсүн температура -7…-12°, күндүз -3…+2° болот. Нарын облусунда айыл чарба зонасында түнкүсүн -11…-16°, күндүз -2…-7° болот. Республикабыздын тоо этектеринде түнкүсүн температура -10…-15° жетиши мүмкүн, ал эми күндүз -4…-9° болот. Тоолуу аймактарда түнкүсүн -11…-16°, күндүз -8…-13°, Суусамыр өрөөнүндө түнкүсүн -17…-22° жана күндүз -8…-13°, ал эми бийик тоолордо түнкүсүн -23…-28° жана күндүз -6…-11° болот.
Мындай туруктуу эмес аба ырайы байланыш, энергетика жана коммуналдык кызматтардын ишине кыйынчылыктарды жаратышы мүмкүн. Күчтүү жаан-чачын учурунда жолдордо көрүнүш начарлап, автотранспорттун кыймылында көйгөйлөрдү жаратат.
