Баткенде балдар үчүн жаңы жылдык майрам өттү, аны президенттин облустагы ыйгарым укуктуу өкүлү Айбек Шаменов уюштурган.
Облустун администрациясы билдиргендей, иш-чарага аймактын ар тарабынан 110 бала катышты. Алардын арасында мыкты окуучулар, көп балалуу жана аз камсыз болгон үй-бүлөлөрдүн балдары, ошондой эле камкордуксуз калган жана чек арадагы конфликттердин натыйжасында ата-энесин жоготкон балдар болду.
Айбек Шаменов катышуучуларга кайрылып, балдарды билим алууга, жогорку максаттарды коюуга жана ата-энелерин кубандырууга чакырды.
Кичинекей көрүүчүлөр үчүн Баткен облустук драма театры жаңы жылдык жомок көрсөттү. Майрамдын аягында ар бир бала облустун жетекчилигинен белектер алды. ```
