Бир апа мындай деди: «Көптөгөн балдар ооруп жатат, палаталарда орун жетишпей калды, ошондуктан биз коридордо калдык. Түнкүсүн бул жерде абдан суук, биз муздап жатабыз. Ооруган бала айыкпашы мүмкүн, тескерисинче, кайра ооруп калат».
Ош шаардык инфекциялык ооруканасынын жетекчиси Курсанали Ташов акыркы убакта бейтаптардын санынын кескин өсүшү байкалганын белгиледи.
«Биздин ооруканабыз биринчи кезекте шаар тургундарын тейлеши керек. Бирок биз ошондой эле райондордон оор бейтаптарды кабыл алабыз. Балдар бөлүмүндө 180 орун каралган, учурда 50дөн ашык бала стационарда жатат. Биз кошумча орундарды коштук. Коридорлор жылытуу системасы менен камсыздалган, жылуулук жакшы иштеп жатат. Эгер палаталарда орун жетишпесе, биз убактылуу балдарды коридорлордо жайгаштырабыз жана мүмкүнчүлүк болгондо кайра палаталарга өткөрөбүз. Түнкүсүн жаңы келген бейтаптарды коридорго жайгаштырабыз, ал эми күндүз палаталарга өткөрөбүз», — деп түшүндүрдү Ташов.
Учурда ооруканада оор абалдагы көп бейтаптар бар. Балдар бөлүмүндө орун жетишпегендиктен, чоңдор бөлүмүндө пландалган стационардык кабыл алуу убактылуу токтотулду. Бүгүн бизге 270 бала кайрылды, баары респиратордук оорулар менен. Бир палатада 4төн 6 балага чейин жайгашкан», — деп кошумчалады ал.
