Ленин районунан делегат Жолдошбек Турдубаев акыркы убакта аялдарга карата зомбулук учурларынын көбөйүп жатканын белгиледи. Ал аялдарын жана балдарын таштап кеткен эркектер үчүн чектөөлөрдү киргизүүнү сунуштады. Турдубаев үй-бүлөгө болгон жоопкерчилик саясий бийликке умтулгандар үчүн моралдык критерийлердин бири болушу керектигине көңүл бурду.
"Азыр биз аялдарга карата зомбулуктун өсүшүн көрүп жатабыз. Мен аялдарын жана балдарын таштап кеткен эркектерге мамлекеттик мекемелерде кызмат ээлөөгө, ошондой эле Жогорку Кеңешке жана жергиликтүү кеңештерге шайлоого катышууга тыюу салууну сунуштайм," - деди ал.
