Ал бул маселени чечүүнүн бир жолу катары «Кайырма» суу каналынын ишке киргизилишин белгиледи. Делегаттын айтымында, бул долбоорду ишке ашыруу 15 миң гектар сугарылган жердин аянтын кеңейтүүгө мүмкүндүк берет, ал Талас районунун чыгыш бөлүгүнөн (Чат-Базар айылы) баштап, Батышка, Бакай-Ата районундагы аймакка чейин созулат.
Кенжалы Арыкбаев ошондой эле каналдын курулушу боюнча демилге Турдакун Усубалиевдин жетекчилиги учурунда көтөрүлгөнүн эске салды. Бирок, анын айтымында, Усубалиевдин кетишинен кийин долбоор аякталган эмес жана Акназар айылынан Шадыкан айылына чейинки участоктун курулушу 1987-жылы токтотулган.
«Каналдын курулушун аяктоо Талас, Бакай-Ата жана Айтматов райондорунда сугарылган аянттарды кеңейтүүгө мүмкүнчүлүк берер эле, бул 1 миңге жакын үй-бүлөгө туруктуу киреше камсыздап, калктын жумушсуздук маселелерин жарым-жартылай чечер эле», — деп кошумчалады делегат.
Ал долбоорду ишке ашырууну айыл чарбасын колдоо үчүн негизги чаралардын бири катары кайра жандандырууга чакырды.
