Ал Мамлекеттик ипотекалык компания рекорддук иш темпин көрсөтүп жатканын белгилеп, быйыл 4,6 миңден ашык үй-бүлө батирлердин ээлери болгонун айтты.
«Бул сан акыркы төрт жылда берилген жалпы турак-жайдын жарымын түзөт. 2021-жылдан бери өлкө боюнча 9 250 үй-бүлө өз турак-жайына ээ болуу мүмкүнчүлүгүнө ээ болду. «Менин үйүм» программасын элдик долбоор деп атоого болот. 2025-жылы турак-жай курулушуна бөлүнгөн каржылоонун көлөмү 40 миллиард сомдон ашты, бул мурдагы жылдарга салыштырмалуу кыйла көп», — деп баса белгиледи Садыр Жапаров.
Президент учурда республикада 70 миңден ашык батир курулуп жатканын кошумчалады. Негизги курулуш иштер Бишкек жана Чүй облусунда топтолгон, бирок Ош, Жалал-Абад, Ысык-Көл, Баткен, Талас жана Нарын облустары да олуттуу мамлекеттик колдоого ээ болууда.
