Президенттин маалыматына ылайык, быйыл Мамлекеттик ипотекалык компания 4 600дөн ашык үй-бүлөгө турак-жай берүүгө жетишти.
«Бул акыркы төрт жылда берилген жалпы батирлердин 50%ын түзөт. 2021-жылдан бери 9 250 үй-бүлө өлкө боюнча өз турак-жайына ээ болду. “Менин үйүм” программасы чын эле элдик долбоорго айланды. Быйыл турак-жай курулушуна бөлүнгөн каржылоо 40 миллиард сомдон ашып, мурунку жылдарга салыштырмалуу кыйла көп», — деп белгиледи Жапаров.
Президент ошондой эле өлкөнүн ар кайсы аймактарында 70 миңден ашык батир курулушу улантылып жатканын баса белгиледи.
«Курулуштун негизги бөлүгү Бишкек жана Чүй облусунда топтолгон болсо да, мамлекет Ош, Жалал-Абад, Ысык-Көл, Баткен, Талас жана Нарын облустарындагы долбоорлорду да колдойт», — деп жыйынтыктады президент.
