660 миң сом жана 5 миң доллар уурунун колуна түштү
Токмакта укук коргоо органдары батирлерден уурулук кылууга шектелген эркекти кармашты. Бул тууралуу Чүй облусунун Ички иштер башкармалыгынан билдиришти.
Маалыматка ылайык, 26-ноябрда, саат 17:00 чамасында, жергиликтүү тургун «102» дежурдук бөлүмүнө кайрылып, батири уурдалганын билдирген. Уурулуктун натыйжасында ал 650 миң сом, 5 миң доллар жана 20 миң теңгеден ажыраган. Бул боюнча Кыргыз Республикасынын Кылмыш кодексинин 205-беренеси боюнча кылмыш иши козголгон.
Бул окуядан кийин милицияга Токмактын дагы төрт тургунун окшош учурлары боюнча арыздары түшкөн.
Бардык берилген арыздардын негизинде дагы кылмыш иштерин козгоо башталган.
«Издөө» операциясынын алкагында 1995-жылы туулган К.Д. шектүү кармалды. Азыркы учурда анын башка окшош кылмыштарга байланышы аныкталууда.
Сүрөт www
