JICA жана «Кыргызаэронавигация» мамлекеттик ишканасынын биргелешкен долбоору
Япониянын JICA агенттиги менен мамлекеттик «Кыргызаэронавигация» ишканасынын кызматташтыгынын негизинде диспетчер-инструкторлорду даярдоого багытталган биргелешкен долбоор башталат. Бул демилгени ишке ашыруу үчүн аба кыймылын башкаруу, учактарды векторлоо жана ылдамдыкты көзөмөлдөө, ошондой эле учуу схемаларын иштеп чыгуу боюнча адистерди окутуу жүргүзүлөт.
2025-жылдын 18-декабрында Бишкекте JICAнын Кыргызстандагы өкүлдөрү менен «Кыргызаэронавигация» мамлекеттик ишканасынын өкүлдөрүнүн ортосунда бул долбоордун алкагында талкуу протоколу кол коюлду.
Бул долбоордун негизги максаты аба кыймылын башкаруунун натыйжалуулугун жогорулатуу жана маршруттарды иштеп чыгуу процедураларын жакшыртуу болуп саналат, бул болсо Кыргызстандагы жарандык авиацияда коопсуздукту жана кызмат көрсөтүүнүн сапатын жогорулатууга алып келиши керек.
Фото www
