Ал райондун туристтик жагымдуулугу менен белгилүү экенин айтып, жергиликтүү тургундар аны жакшыртуу үчүн ашара ыкмасын колдонуп, жаңгак жана тополь көчөттөрүн отургузууга аракет кылып жатканын белгиледи.
«Бирок бир бизнесмен оор техниканы колдонуп, сары таша казуу менен табиятты жок кылууда. Бул экологиялык чоң коркунучтарды жаратууда. Биз анын аракеттерин токтотууга он жылдан ашык убакыттан бери аракет кылып келебиз. Жергиликтүү тургундар талаа иштерин жүргүзүп жатканда, ал өз ишин улантууда. Биздин жерлерибиздин бузулуп жатканына карап жүрөгүм ооруйт! Бул экологияга гана эмес, Ош — Иркештам трассасына да зыян келтириши мүмкүн. Биздин регион ат туризми жана «Ак-Кыя» менен «Чыйрычык» лыжа базалары менен белгилүү. Булардын бардыгы бир адамдын байлыкка болгон ашыкча каалоосунун айынан коркунучта», — деди делегат.
Мындан тышкары, ал үйлөрдөгү кызыл китептер боюнча көйгөй азырынча чечилбегенин белгиледи.
