Учурда Кара-Балтада бир гана медициналык мекеме иштеп жатат.
«Советтик мезгилде шаарда эки оорукананын иши жүргөн, бирок алардын бири жеке колго өткөрүлгөн. Учурда ал кайра муниципалдык менчикке кайтып келди. 4,3 гектар жерге жаңы оорукананын курулушу пландалууда. Бул маселе өткөн жылы да көтөрүлгөн, биз Саламаттык сактоо министрлигинен курулуш жүргүзүлөт деген жооп алдык, бирок иш жүзүндө эч нерсе ишке ашкан жок», - деди ал.
Абдиевдин айтымында, Жайыл районунун тургундары бул ооруканага кайрылышат, бирок пациенттердин көптүгүнөн улам кезектер пайда болуп, медиктер бардык каалоочуларды тейлеп үлгүрбөй жатышат. Ал бул маселени чечүүгө чакырды.
