Маданият министрлигинин басма сөз кызматы билдиргендей, бул долбоор «Кыргызсериал» мамлекеттик мекемеси тарабынан Маданият министрлигинин каржылык колдоосу менен иштелип чыккан. Сериал мамлекеттик архивден жана башка тарыхый булактардан алынган материалдарга негизделген.
Сюжеттин борборунда 1917-жылдан 1924-жылга чейинки мезгилде болгон окуялардын көркөм чагылдырылышы жана кыргыз мамлекеттүүлүгүнүн калыптанышында маанилүү роль ойногон көрүнүктүү инсандардын жашоосу тууралуу баяндалат. Мындай ишмерлердин катарына Жусуп Абдрахманов, Ишеналы Арабаев, Абдыкерим Сыдыков, Иманаалы Айдарбеков жана Абдыкадыр Орозбеков кирет.
