Чүй облусундагы "Ак-Тилек" ветеринардык көзөмөл өткөрүү пунктунда Түркиядан келген 22 тонна балык кору жүктөмү кармалды. Жүктүн кайтарылышына ветеринардык-санитардык талаптардын бузулушу себеп болду. Бул тууралуу айыл чарба министрлигинин басма сөз кызматы маалымат берди.
Текшерүүнү жүргүзгөн инспекторлор Евразия экономикалык биримдигинин ветеринардык-санитардык көзөмөл талаптарына жооп бербегендиктерин аныкташты.
Текшерүүнүн жыйынтыгы боюнча "Ак-Тилек" ПВКПда кайтаруу актылары түзүлүп, жүктүн толук көлөмү ошол эле өткөрүү пункту аркылуу Түркияга кайра жөнөтүлдү.
