Окуя тууралуу Токмок шаарынан бир тургун милицияга кайрылып билдирген. Анын көрсөтмөсүнө ылайык, ууру анын үйүнө 26-ноябрда кечки бештер чамасында кирип, 620 миң сом, 5000 доллар жана 20 миң теңге уурдап кеткен.
Бул окуя КРнын 205-беренеси боюнча катталган, ал уурулукка байланыштуу.
Мындан тышкары, Токмок ОВДсына ушундай эле кылмыштардан жабыркаган дагы төрт жергиликтүү тургундан арыздар келип түштү. Бардык кайрылуулар боюнча кылмыш иштери козголду.
«Розыск» рейдинин алкагында жүргүзүлгөн ыкчам-издөө иш-чараларынын жүрүшүндө 1995-жылы туулган К.Д. деген шектүү кармалды. Азыр ал убактылуу кармоо жайында жатат.
Тергөөнүн жүрүшүндө кармалган адамдын башка кылмыштар менен байланыштары такталат.
