Коомдук коопсуздук органдары тарабынан берилген жазууда шектүү маркум менен бирге подъездге кирип жатканын көрүүгө болот. Кармалган адамдын колунда мурдагы жубайынын туулган күнү үчүн, 23-декабрда белгиленген, гүлдөр жана торт бар.
23-декабрда 21:40та дежурдук бөлүмгө Боконбаева көчөсүндөгү көп кабаттуу үйдүн батиринен ок атылганы жана өлгөн аялдын табылганы тууралуу сигнал келип түштү.
Окуя болгон жерге келген Свердлов районунун Ички иштер башкармалыгынын тергөөчүлөрү мурдагы жубайлар, 1978-жылы төрөлгөн У.Ж. жана 1977-жылы төрөлгөн У.Б. ортосунда ажырашуу процессине байланыштуу уруш болгонун аныкташты. Конфликт учурунда эркек травматикалык тапанча колдонуп, мурдагы жубайына ок аткан, натыйжада ал алган жаракаттарынан улам көз жумган.
Бул окуя Кыргыз Республикасынын Кылмыш кодексинин 122-беренеси боюнча киши өлтүрүү катары катталган. 48 жаштагы У.Б. кармалып, убактылуу кармоо жайына жайгаштырылды. Кармалган учурда ал алкогольдик мас абалда болгон. Ал мурда Бишкек шаардык Жол кыймылынын коопсуздугу инспектору болуп иштеген.
Алдын ала маалыматтар боюнча, маркумдун эжеси милицияга жардам сурап кайрылган. Ал мурдагы күйөө баласы күч менен эжесин жумуштан алып кетип, белгисиз тарапка алып кеткенин билдирген.
Шектүү У.Б.
// Бишкек ШИИБ
