Министрликтин басма сөз кызматынан алынган маалыматка ылайык, катышуучуларга министрликтин негизги иш багыттары, анын ичинде коопсуз миграция маселелери, чет өлкөлөрдө жарандарды жумушка орноштуруу боюнча жардам көрсөтүү, ошондой эле миграция концепциясы алкагында иш-чараларды ишке ашыруу тууралуу маалымат берилди. Статистикалык маалыматтарга, жумуш менен камсыздоо маселелерине жана социалдык төлөмдөрдү алуу тартибине өзгөчө көңүл бурулду.
Делегаттар эмгек мигранттарын реинтеграциялоого багытталган долбоорлор боюнча түшүндүрмөлөрдү алышты. Талкуу учурунда чет өлкөдөгү жарандардын эмгек укуктарын коргоо, балдарды репатриациялоо, реестрлердин иштеши, «200 жүк» маселелери, сезондук жумуштарда иштеген студенттердин абалы жана колл-борборлордун ишин жакшыртуу сыяктуу маанилүү темалар көтөрүлдү.
