Ал 2025-жылга арналган ММКФ бюджетинин баштапкы деңгээли 8 миллиард 327 миллион сом болгонун тактады.
Бюджеттин өсүшү Министрлер кабинетинин токтому менен каралган кошумча бөлүнүүлөрдүн жана Социалдык фонддон түшүүчү каражаттардын, ошондой эле камсыздандырылган жарандардын санынын көбөйүшүнүн эсебинен мүмкүн болду.
Досмамбетов ошондой эле 2026-жылга бюджет 10 миллиард 737 миллион сомду түзүү пландалып жатканын кошумчалады. Бул суммага республикалык бюджеттен 2 миллиард 57 миллион сом, Социалдык фонддон 6 миллиард 503 миллион сом, медициналык мекемелерде кошумча төлөмдөрдөн түшүүчү 954 миллион сом жана башка каржылоо булактары кирет.
