Мамлекеттик бажы кызматынын контрабандага каршы башкы башкармалыгы 2025-жылы бюджетке рекорддук кирешелерди камсыздап, маанилүү жетишкендиктерге жетти. Ведомствонун басма сөз кызматы билдиргендей, кайтарылган каражаттын жалпы суммасы 1,5 миллиард сомду түзүп, 2024-жылдагы көрсөткүчтөн 603 миллион сомго жогору болуп, башкармалыктын тарыхындагы эң жогорку натыйжа болуп саналат.
Бул жетишкендиктер бажы мыйзамдарын бузууну аныктоонун жакшыртылышынын натыйжасында мүмкүн болду. 2025-жылдын январь айынан декабрь айына чейин 9 604 укук бузуулар катталды, анын ичинен 9 100 административдик укук бузууларга, 504ү болсо кылмыштык укук бузууларга тиешелүү. Кылмыш иштери боюнча материалдар Бажы кызматунун тергөө башкармалыгына өткөрүлдү.
Соттук териштирүүлөрдүн жыйынтыгы боюнча мамлекет 1,1 миллиард сомдон ашык зыянды кайтарып алууга жетишти. Мындан тышкары, мамлекеттик казнага 326 миллион сомдон ашык баалуу металлдарды жана башка мүлктөрдү камтыган транспорт каражаттары өткөрүлдү.
Учурда Башкы башкармалык укук бузуулардын алдын алуу, товарларды мыйзамсыз өткөрүүнүн тобокелдиктерин азайтуу жана өлкөнүн экономикалык кызыкчылыктарын коргоо боюнча чараларды улантууда.
