Кол коюлган келишимдин алкагында «Кытай – Кыргызстан – Өзбекстан» темир жолун түзүүгө 2,3 миллиард АКШ доллары бөлүнөт, долбоорду ишке ашыруу графиги сакталат. Бул финансированиенин карыз алуучусу «Кытай – Кыргызстан – Өзбекстан» темир жол компаниясы болуп саналат.
Кол коюу аземине премьер-министрдин орун басары, суу ресурстары, айыл чарба жана кайра иштетүү өнөр жайы министри Бакыт Торобаев, ошондой эле мамлекеттик органдардын, финансылык мекемелердин өкүлдөрү жана долбоордун катышуучулары катышты.
Кыргыз Республикасынын Транспорт жана байланыш министрлигине караштуу «Улуттук компания «Кыргыз темир жолу» мамлекеттик ишканасынан башкы директор Сакиев А. жана башкы директордун биринчи орун басары Спасский Р. байкалган.
