Россиянын ТЖМ пресс-кызматынын сүрөтү. М-5 «Урал» трассасында үч жеңил унаа кагышып, үч Кыргыз жараны көз жумду
Сырткы иштер министрлигинин маалыматына ылайык, көз жумгандардын арасында 1977-жылы төрөлгөн Ж.Ж.М., 1997-жылы төрөлгөн Э.А.А. жана 2023-жылы төрөлгөн бала бар. Жаракат алган эки башка Кыргыз жараны көптөгөн жаракаттар менен ооруканага жаткырылган.
Кыргызстандын Россиядагы элчилиги көз жумгандардын жана жабыркагандардын туугандары менен, ошондой эле Россия Федерациясынын укук коргоо органдары менен байланыш орнотту. Көз жумгандардын денелерин мекенине кайтаруу маселеси иштелип жатат жана жагдай дипломатиялык миссия тарабынан көзөмөлдөнүүдө.
Сырткы иштер министрлиги жарандарды Россияга унаа менен сапар пландаштырганда коопсуздук чараларын жана аба ырайын эске алууга чакырат.
