Петренконун айтымында, аскер кызматкери өлтүрүлгөндүгү боюнча кылмыш иши козголгон. Тергөө жарылуу Ясенев көчөсүндө болгонун жана Сарваров алган жаракаттарынан улам каза болгонун аныктады. Ал Россия Федерациясынын Куралдуу Күчтөрүнүн Башкы штабынын оперативдик даярдык башкармалыгынын начальниги кызматын аркалаган.
Россиянын Тергөө комитети бул иш 105 жана 222.1-беренелер боюнча квалификацияланганын билдирди, алар коомдук кооптуу ыкма менен өлтүрүү жана жарылуучу заттарды мыйзамсыз жүгүртүү боюнча. Кылмышты ачуу максатында Москвага борбордук аппаратан тажрыйбалуу криминалист-тергөөчүлөр жиберилди.
Учурда окуя болгон жерди кароо жүрүп жатат, зарыл экспертизалар, анын ичинде соттук-медициналык жана жарылуучу техникалык экспертизалар өткөрүлүүдө. Мындан тышкары, тергөөчүлөр күбөлөрдү суракка алып, видеокөзөмөл камераларынан жазууларды изилдеп жатышат.
СКда өлтүрүүнүн ар кандай версиялары каралып жатканын белгилешти, алардын бири украин спецкызматтарынын катышуусу версиясы. Тергөө процессинин жүрүшү ведомствонун борбордук аппаратынын контролунда экендиги маалымдалды.
