Алдын ала маалыматтар боюнча, куралдуу кылмышкер курьерлерди ювелирдик дүкөндүн фургонунун артына жашынып күтүп турган. Курьерлер унааларын токтоткон учурда, ал пистолет менен кол салып, жеткирүүчүлөрдүн биринин башына сокку урган. 160 миң евро баалуу, анын ичинде сапфир да бар, баалуу таштарды алып, кылмышкер скутер менен качып кеткен. Жаракат алган курьер тез арада ооруканага жеткирилди.
Учурда прокуратура териштирүү жүргүзүүдө, бирок азырынча жыйынтыктар жок.
Эскерте кетсек, быйыл октябрда Луврда чоң тоноо болгон, анда кылмышкерлер жети мүнөттө тарыхый артефакттарды 88 миллион еврого жакын суммада алып кетишкен. Кийинчерээк сегиз шектүү кармалган, бирок уурдалган баалуу буюмдардын, алардын арасында мурдагы француз королдук үй-бүлөсүнүн мүчөлөрүнө таандык болгон көптөгөн буюмдар, азырынча табылган жок.
Мындан тышкары, 20-декабрда Елисей сарайынын метрдотели эки жыл бою Франция президентинин резиденциясынан фарфор буюмдарын алып чыгып келгендиги тууралуу маалымат чыкты. Ал расмий иш-чараларда колдонулган жүздөн ашык буюмдарды уурдап кеткен. Полиция уурдалган буюмдарды Луврда иштеген 30 жаштагы фарфор коллекционеру өткөрүп бергенин аныктады.
