ОДКБ өз билдирүүсүндө айрым Telegram-каналдарында, анын ичинде «Евразийский брифинг» каналында чыккан маалыматтар чындыкка дал келбестигин белгиледи. «Тажик тарап инциденттер боюнча 2025-жылдын 26 жана 30-ноябрында колдоо үчүн уюмга кайрылган эмес», — деп баса белгиленет документте.
Мындан тышкары, ОДКБ Тажикстандын Афганистан менен чек араны коргоо боюнча уюмдун союздаштары менен кызматташтыгы 2024-жылы Астанада өткөн Коопсуздук кеңешинин сессиясында бекитилген максаттуу мамлекеттер аралык программа алкагында жүргүзүлүп жатканын белгиледи.
Эскерте кетсек, ноябрь айынын аягында Тажикстандын аймагы Афганистандан аткылоого дуушар болуп, натыйжада беш Кытай жараны каза болгон. Тажикстандын президенти Эмомали Рахмон бул провокациялык аракеттерди айыптап, ушундай окуялардын кайталанбашы үчүн чара көрүүнү тапшырды. Республикадагы тышкы иштер министрлиги да Афганистандын бийликтерин мамлекеттик чек арада туруктуулукту жана коопсуздукту камсыз кылуу үчүн зарыл чараларды көрүүгө чакырды.
