Бул маалыматты Баткен аралык оорулардын алдын алуу жана санитардык-эпидемиологиялык көзөмөл борбору берди.
Уюмдун маалыматына ылайык, корь оорусуна чалдыккандардын 75% вакцинациядан өтпөгөн, ошондой эле алардын арасында вакцина алуу убактысы келген балдар да бар.
Оорунун жайылышы боюнча статистика төмөнкүдөй:
- Кадамжай районунда — 140 учур,
- Кызыл-Кия шаарында — 85 учур,
- Баткен районунда — 54 учур,
- Баткен шаарында — 30 учур,
- Лейлек районунда — 15 учур,
- Сулюкта шаарында — 3 учур.
«Корь оорусуна каршы вакцина келгенден жана региондо массалык иммунизация уюштурулгандан бери, акыркы төрт айда жаңы оору учурлары катталган жок», - деп билдирет маалыматта.
2024-жылы облус боюнча 510 корь оорусу катталган.
Учурда Баткен облусунда корь оорусун текшерүү жана алдын алуу, ошондой эле иммунопрофилактика боюнча иштер улантылууда.
