Бул тууралуу райондук мамлекеттик администрация маалымат берди.
Алардын маалыматына ылайык, 25-декабрда, онлайн-иш-чаранын алкагында, президент Садыр Жапаров өлкө боюнча 67 социалдык объектти ачты. Алардын арасында Сыйдалы айылындагы «Күлбү Апа» балдар бакчасы да бар.
Бул балдар бакчасы бир кабаттуу типтүү имарат болуп, анын курулушу демөөрчүлөр тарабынан 40 миллион сомго каржыланган. Имараттын жалпы аянты 1280 чарчы метрди түзөт.
Балдар бакчасынын ичинде топтук жайлар, ошондой эле балдар үчүн оюн жана өнүктүрүү бөлмөлөрү каралган.
Ачылышта жергиликтүү бийликтин өкүлдөрү, билим берүү бөлүмүнүн кызматкерлери жана айылдын тургундары катышты.
