Коомдук коопсуздук органдарынын маалыматына ылайык, 2017-жылы төрөлгөн бала Достук көчөсүндө жашайт. 26-мартта саат 16:00 чамасында ал Достук көчөсү, 43-үйдүн дарегинен велосипед миниш үчүн чыгып кеткен, андан кийин анын кайда экендиги белгисиз болуп калды.
Баланын жоголушу боюнча тиешелүү иш катталган жана учурда кылдат текшерүү жүргүзүлүүдө.
Жоголгон баланын төмөнкү өзгөчөлүктөрү бар: анын бою болжол менен 120 см, дене түзүлүшү арык, чачы каштан түстө, көздөрү кара. Өзгөчө белгилери жок. Жоголгондо ал ак футболка жана көк шым кийип турган.
Коомдук коопсуздук органдары Нурисламдын кайда экендиги тууралуу кандайдыр бир маалымат бере турган жарандарды Сокулук РОВДсына 0312-607-567 телефону аркылуу кайрылууга чакырат.
