Салтанаттуу сыйлык тапшыруу аземи өлкөнүн эркин күрөш боюнча чемпионатынын акыркы күнүндө өттү.
Министрлер кабинетинин орун басары жана УКМКнын төрагасы Камчыбек Ташиев спортчуларга турак жай сертификаттарын тапшырды.
«Биз эл аралык аренада Кыргызстанды көрсөтүп жаткан спортчуларды колдоону уланта беребиз. Президент Садыр Жапаровдун тапшырмасы боюнча, алты мыкты спортчуну сыйлоо чечимине келдик», - деп баса белгиледи Ташиев.
Батир алган спортчулардын арасында: Айпери Медет кызы (эркин күрөш) — 100 чарчы метрди түзгөн 3 бөлмөлүү батир, Асан Жанышов (грек-рим күрөшү) — 93 чарчы метрди түзгөн 2 бөлмөлүү батир, Ихтияр Нишонов (бокс) — 56 чарчы метрди түзгөн 1 бөлмөлүү батир, Омар Ливаза (бокс) — 56 чарчы метрди түзгөн 1 бөлмөлүү батир, Смадияр Жумакадыров (грек-рим күрөшү, сурдлимпия оюндары) — 34 чарчы метрди түзгөн 1 бөлмөлүү батир жана Адилет Жапаркулов (эркин күрөш, сурдлимпия оюндары) — 39 чарчы метрди түзгөн 1 бөлмөлүү батир бар.
