Эң көп адамдардын топтолушу эт бөлүмдөрүндө, консервалардын витриналарында, ошондой эле таттуулар жана ичимдиктер секцияларында байкалууда. Кассалардагы кезектер бир нече метрге созулууда. Сатып алуучулардын айтымында, эсептешүүгө күтүү убактысы 15тен 30 мүнөткө чейин созулат. Айрым супермаркеттерде кызматкерлер күчөтүлгөн режимде иштеп, кошумча кассаларды ачышууда.
Шаар тургундары мындай жагдай жыл сайын Жаңы жылдын алдында кайталанып жатканын белгилешет. Көпчүлүк адамдар акыркы мүнөттө сатып алууну артык көрүшөт, бул соода жайларына жогору жүктөмдү алып келет.
