Концерттер Азия, Түндүк жана Түштүк Америка, Австралия жана Европа сыяктуу региондордо пландалган, программасында 70тен ашык чыгыштар камтылган. Гастролдордун аякташы 2027-жылдын март айына белгиленген.
Бул BTS үчүн 2021-2022-жылдардагы мурдагы концерттеринен кийинки биринчи турне болот.
Билеттердин алдын ала сатылышы 22 жана 23-январда башталат, жана атайын сайтка катталган фан-клубдун катышуучулары гана ушул күндөрү аларды сатып ала алышат. Калган күйөрмандар 24-январдан баштап билеттерди сатып ала алышат.
Эскерте кетсек, 2025-жылдын июль айында топтун катышуучулары төрт жылдык милдеттүү аскердик кызматтан кийин биргелешип иш алып барууга кайтып келишти.
Түштүк Кореяда бардык эркектер 18ден 21 айга чейин армияда кызмат өтөөгө милдеттүү. Эл аралык деңгээлде таанылган артисттер жана спортчулар белгилүү жеңилдиктерге ээ болушу мүмкүн, бирок K-pop аткаруучулары бул категорияга кирбейт. Ошентсе да, 2020-жылы BTS милдеттүү кызматты 30 жашка чейин кийинкиге калтырууга мүмкүндүк берген өзгөртүүгө ылайык, кызматтан бошотууга жетишти.
