Авариялык кырдаал кышкы каникулдардан кийин пайда болду, мектепте сабактар бир гана күн өткөндөн кийин, 13-январда жылуулук түтүгү жарылды. Мунун натыйжасында окуу процесси онлайн форматка өткөрүлдү.
«Күчтүү суук шартында жергиликтүү тургундар, айыл өкмөтү жана муниципалдык «Таза-Булак» ишканасы менен биргеликте алты күн бою жарылган жерди издеп жатышты. Акыры, түтүк табылып, калыбына келтирилди, бул класстарга жылуулук кайтарууга мүмкүнчүлүк берди. Эми сабактар адаттагыдай режимде уланууда. Бул процессте жардам берген бардык адамдарга, айрыкча Миң-Булак айыл өкмөтүнө ыраазычылык билдиребиз», — деди Анаркүл Молдалиева.
Буга чейин Turmush ушул эле мектепте, Москва районунда 13-январда жылуулук түтүгү жарылганы жана 14-январда оңдоо иштеринин башталганын маалымдаган.
