Каржылоого арыз Ылай-Талаа районунун айыл өкмөтүнүн жетекчилиги тарабынан бөлүштүрүүчү (стимулдаштыруучу) грант алуу максатында берилген.
«Ачык бюджет» порталында жайгаштырылган маалыматка ылайык, 2025-жылга жергиликтүү бюджеттен 880 миң 785 сом бөлүү каралган, ал эми бөлүштүрүүчү грант үчүн зарыл сумма 5 миллион сомду түзөт.
Мектептеги абал:
«Биздин мектептин имараты 1955-жылы пайдаланууга берилген. Азыркы учурда бул жерде 1-4-класстын балдары билим алууда. Полдор, потолоктор жана эшиктер өтө начар абалда. Имараттын ичиндеги жана сырындагы штукатурка түшүп жатат. Полдорду жана эшиктерди алмаштырууну, ошондой эле заманбап стандарттарга ылайык жылуулук системасын калыбына келтирүүнү камтыган капиталдык оңдоо билим берүү шарттарын кыйла жакшыртат. Бул биздин балдарыбызга ыңгайлуу жана заманбап шартта билим алууга мүмкүнчүлүк берет», - деп белгилешти мектепте.
