Жергиликтүү тургун Союзбек Субаналиев бул чиркөө бай орус көчмөндөрүнүн бири тарабынан курулганын билдирди.
«Ал убакта орустар айылдын 40% түзчү. Чиркөө күйгүзүлгөн кирпичтен курулган, анын өлчөмдөрү: узундугу — 25 метр, туурасы — 17 метр. Имараттын ичинде үч бөлмө жайгашкан», — деди ал.
Субаналиев ошондой эле Союздун кулаганынан кийин чиркөө жергиликтүү мектептин карамагына өткөрүлгөнүн жана анын айланасына дарактар отургузулганын кошумчалады. Соңку жылдарда имарат отун сактоочу жай катары колдонулуп келген.
