90 орунга ылайыкташтырылган бул заманбап мекеменин ачылышы президент Садыр Жапаровдун алыстан катышуусу менен өттү. Тантанага жергиликтүү жана облустук бийлик өкүлдөрү, ошондой эле айылдын тургундары катышты. Жаңы бакча толугу менен заманбап стандарттарга жооп берет жана иштөө үчүн керектүү бардык шарттар жана жабдууларды камтыйт.
Мурда 1961-жылы ашар ыкмасы менен курулган «Ак-Тал» балдар бакчасы эскирген. 2016-жылдын 7-январында болгон жер титирөө имаратка, анын ичинде фундаментке жана дубалдарга олуттуу зыян келтирип, аны пайдаланууга жараксыз кылды. Ошондон бери балдар бакчасы убактылуу жеке турак жайлардын биринде жайгашкан.
Жаңы кырдаалды эске алып, 2023-жылы республикалык бюджеттен 75 миллион сом бөлүнүп, 90 орунга ылайыкташтырылган жаңы балдар бакчасынын курулушу башталды.
