Документ курулуш материалдары тармагын, анын ичинде бетон, кирпич, айнек жана асфальтобетон өндүрүүнү өнүктүрүүнү камтыйт. Ошондой эле «жашыл энергетиканы» этап-этабы менен киргизүү пландалууда, анын ичинде күн панелдерин жана суу жылытуучу жабдыктарды чыгаруу.
Кошумча, айыл чарбасындагы кайра иштетүүчү ишканаларды колдоо, химиялык жана фармацевтикалык тармактарды өнүктүрүү, ошондой эле пайдаланылбай жаткан өнөр жай аймактарын реиндустриализациялоо пландалууда.
Генпландын алкагында катуу үй-бүлөлүк калдыктарды кайра иштетүү боюнча инновациялык заводду куруу жана шаардыктын түндүгүндөгү полигонду рекультивациялоо каралган.
«Башкалаанын креативдүү жана экспорттук потенциалын өнүктүрүү максатында текстиль жана тигүү өндүрүштөрүнүн негизинде fashion-кластер түзүлөт», - деп көрсөтүлгөн документте.
Болжолдорго ылайык, 2050-жылга чейин Бишкектин калкы 1,92 млн адамды түзөт. Эмгек ресурстарынын көлөмү 292,7 миң адамга көбөйүп, 1,179 млн. жетет. Жумуш менен камсыз болгондордун саны 593,9 миңден 943,3 миңге чейин өсөт, өнөр жай, социалдык тармак, транспорт-логистика комплекси, мейманкана бизнеси жана курулуш сыяктуу секторлордо жумуш менен камсыз болуунун өсүшү күтүлүүдө.
