Москва шаардык думасында өкмөттүн отчетун берүүнүн жүрүшүндө Собянин жумушчу ресурстарын жетишсиздиги 400-500 миң адамдын чегинде экенин билдирди (ТАССтын маалыматы боюнча).
Бул аптада Россия президентинин эл аралык уюмдар менен туруктуу өнүгүү тармагындагы өз ара аракеттенүү боюнча атайын өкүлү Борис Титов жумушчу күчүнүн жетишсиздиги маселесин Индиядан келген адистердин жардамы менен чечүүгө болорун билдирди. Ал 2025-жылга визалык өлкөлөр үчүн 235 миң орунга квота белгиленгенин, анын 30% (71 миң орун) Индиядан келген жумушчылар үчүн бөлүнгөнүн тактады.
