Райондук мамлекеттик администрациясынын маалыматына ылайык, бул иш-чара 29-декабрда Чүй облусунда, Москов районунда өттү.
Акимдин жаңы жылдык майрамы эки этапта уюштурулду.
«Акимдин жаңы жылдык майрамы — бул жергиликтүү бийликтин уюштурган салттуу жаңы жылдык иш-чарасы. Бул жылы ал эки этапта өттү», — деп айтылат билдирүүдө.
Биринчи этап Ак-Суу айылындагы №1 орто мектепте өтүп, анда 100 эң мыкты окуучу катышты.
Экинчи этап Беловодское айылындагы В. В. Степаненко атындагы №2 орто мектепте өтүп, анда мүмкүнчүлүктөрү чектелген 100 бала жана алардын ата-энелери чогулушту.
Майрам учурунда 200 балага белектер тапшырылды, ошондой эле оюндар жана концерттик программалар уюштурулду.
«Мен абдан толкунданып жатам. Менин классташым Иван Борзым менен биз мүмкүнчүлүгү чектелген балдар үчүн уюштурулган акимдин жаңы жылдык майрамында алып баруучулар болдук. Мен Снегурочканын ролун аткардым. Бул балдар абдан сезимтал — алар ырдашты, бийлешти жана көрүүчүлөрдү таң калтырышты», — деди Беловодскодогу В. В. Степаненко атындагы №2 орто мектебинин 11-классынын окуучусу Алина Вербицкая.
Майрамда ошондой эле Чүй облусундагы президенттин ыйгарым укуктуу өкүлүнүн биринчи орун басары, облустук соттун өкүлдөрү жана башка расмий адамдар болушту.
