Өздөрүнүн кайрылууларында министрди келе жаткан Жаңы жыл менен куттукташып, кыялдары тууралуу айтып беришти, тыкан окууга убада беришти жана келечекте укук коргоо органдарында кызмат кылуу ниеттерин билдиришти, өлкөсүнүн кызыкчылыгы үчүн иштөөнү каалашты.
Жакында мектеп окуучуларынын бир кыялы ишке ашты, анткени Раяна жана Асанали Талас облустук ички иштер башкармалыгын зыярат кылышты. Алар үчүн экскурсия уюштурулуп, башкармалыктын начальниги Бактыбек Нарчаев менен жолугушуп, имараттын ичинде экскурсия өткөрүп, ички иштер органдарынын иши тууралуу айтып берди.
Ошондой эле балдар жана алардын чоң энелери менен ИИМдин тергөө кызматынын начальниги Мирлан Насиров да сүйлөштү. Ички иштер министринин атынан балдарга баалуу белектер, анын ичинде «iPad» планшети, «MacBook Air 15» ноутбугу жана таттуулар тапшырылды.
Жолугушууда балдарга окууда ийгилик каалап, келечекте өлкөсүнө берилген жана кадыр-барктуу милиция кызматкерлери болушуна үмүт артишты.
Мектеп окуучулары жана алардын жакындары министрге кыялдарын колдоп, жаш муунга болгон көңүл буруусу үчүн чын дилинен ыраазычылык билдиришип, мындай камкордук жаштар үчүн күчтүү стимул жана шыктануу болуп берерин белгилешти», - деп айтылат билдирүүдө.
