Иш-чаранын катышуучуларынын арасында Ош облусундагы президенттин ыйгарым укуктуу өкүлү Аманкан Кенжебаев, Ош шаарынын мэри Жеңишбек Токторбаев, ички иштер министринин орун басары Эркебек Аширходжаев, Ош облусунун Ички иштер башкармалыгынын начальниги Нурланбек Бурканов, ошондой эле күч структураларынын башка жетекчилери жана укук коргоо органдарынын кызматкерлери болду.
Ведомствонун маалыматына ылайык, текшерүү учурунда кызматтык форманын, техникалык жабдылыштын жана майрам күндөрүндөгү тапшырмаларды аткарууга даярдыгы текшерилди. Ошондой эле коомдук тартипти жана жол кыймылынын коопсуздугун камсыздоо, ошондой эле кылмыштуулуктун алдын алуу боюнча көрсөтмөлөр берилди.
Облус башчысы жаңы жылдык майрамдар учурунда милиция күчөтүлгөн режимде иштээрин, жарандарды мыйзамдарды сактоого жана коопсуздук чараларына көңүл бурууга чакырды.
«1000ден ашык кызматкер жаңы жылдык майрамдарда облус аймагында коомдук коопсуздукту камсыздайт. Милиция 24 саат бою кезектешип, жарандардын тынчтыгын жана коопсуздугун камсыздайт», - деп кошумчалашты маалымат кызматында.
