Бул акциянын алкагында, шаардагы ири базарда, биринчи керектөө товарларынын баа көрсөткүчтөрү жана нормалардын сакталуусу текшерилди.
Иш-чарага мэрдин орун басары Манас Абдыкалыков, ошондой эле Кара-Кул шаардык ички иштер бөлүмүнүн кызматкерлери, Улуттук коопсуздук мамлекеттик комитетинин, муниципалдык мүлк башкармалыгынын, салык кызматынын, санитардык-эпидемиологиялык бөлүмдүн жана ветеринардык кызматтын өкүлдөрү катышты.
Рейд учурунда негизги көңүл этке жана көмүргө бурулду. Соода кылгандар менен сүйлөшүүлөр жүргүзүлүп, төмөнкү аспектилер текшерилди:
- продукциянын санитардык шарттары;
- анын сактоо шарттары;
- жарамдылык мөөнөттөрү;
- зарыл уруксат берүүчү документтердин болушу;
- соода эрежелеринин сакталуусу.
Бузуулар аныкталган учурда, сатууга чыккан адамдарга мыйзамдарды катуу сактоо зарылдыгы боюнча түшүндүрмөлөр жана эскертүүлөр берилди, ошондой эле азык-түлүк баасын негизсиз жогорулатууга жол бербөө маселеси талкууланды.
Келечекте шаарда ушундай текшерүүлөрдү улантуу пландалууда.
Мындан тышкары, мэрдин орун басары арзандатылган баада азык-түлүк сунуштаган соодагерлерди жөө жүргүнчүлөрдүн көп жүргөн жерлерине жайгаштырууну, ошондой эле базардын сыртында иштеген айрым сатуучүлөрдү базардын аймагына көчүрүүнү тапшырды.
