Торжестволук иш-чарада Манас шаарынын мэри Эрнисбек Ормоков, шаардык кеңештин төрагасынын орун басары Марлен Турдукулов жана жергиликтүү кеңештин депутаттары катышты.
Майрам жаңы административдик имараттын чоң залында өтүп, 250 жаш конок чогулду. Алардын арасында мыкты окуучулар, конкурстар жана спорттук мелдештердин жеңүүчүлөрү, ошондой эле аз камсыз болгон үй-бүлөлөрдүн балдары болду.
Иш-чаранын алкагында «Ариет» балдар чыгармачылык борбору жана Барпы Алыкулов атындагы Ош облустук кыргыз драма театры тарабынан даярдалган театралдаштырылган көрсөтүүлөр болду. Балдар жомоктук каармандардын коштоосунда ырлар жана бийлер менен ырахат алышты.
Майрамдын аягында бардык балдарга мэрия жана шаардык кеңешдин атынан белектер тапшырылды.
