Учурда Жалал-Абад облусунда жол кыймылынын коопсуздугун камсыздоо башкармалыгы (ЖККБ) "Жол кыймылынын эрежелерин сактаңыз" аттуу алдын алуу жана түшүндүрүү иш-чараларын өткөрүүдө.
Бул акциянын алкагында айдоочуларга Жол кыймылынын эрежелеринин негизги талаптары түшүндүрүлүп, эскерүү сувенирлери тапшырылууда. Иш-чарага ички иштер министринин орун басары, милициянын генерал-майору Эркебек Аширходжаев, Жалал-Абад облусунун Ички иштер башкармалыгынын начальниги, милициянын полковниги Марлис Асанов, регион боюнча ЖККБнын начальниги, милициянын подполковниги Манас Сыдыгалиев, ошондой эле Манас жана Сузак шаардык жана райондук ички иштер бөлүмдөрүнүн жетекчилери катышты.
Бул акция жаңы жылдык майрамдар алдында өткөрүлүп, айдоочулардын маданиятын жогорулатуу, жол кырсыктарынын санын азайтуу жана жолдордо коопсуздукту камсыздоо максатында уюштурулду.
