Бул маалымат Ош шаарындагы патрулдук кызмат тарабынан берилди.
Жол кырсыктарын, айрыкча жаштар арасында, азайтуу максатында патрулдук кызматкерлер «Балдардын күлкүсу жолдордо токтобосун» деген ураан менен жөө жүрүш өткөрүштү.
Иш-чаранын алкагында милиция кызматкерлери айдоочуларга жана жөө адамдарга жол кыймылынын эрежелерин сактоонун маанилүүлүгүн түшүндүрүшүп, балдардын коопсуздугуна көңүл бурушту. Мындан тышкары, өспүрүмдөргө жолдо туура жүрүү жана коопсуздук чараларын сактоо боюнча сунуштар берилди.
Жөө жүрүштүн максаты жол кырсыктарын алдын алуу жана балдардын коопсуздугу боюнча коомдук көңүл бурууну тартуу болду.
