Трамптын айтымында, бул чечим кылмыштуулукка каршы күрөшүү жана федералдык менчикти коргоо үчүн кабыл алынган. Бирок, бул шаарлардын жергиликтүү бийликтери бул кадамды ашыкча деп эсептеп, нааразычылык билдиришти.
«Эгерде кылмыштуулук кайрадан жогоруласа, биз, балким, таптакыр башка жана күчтүү форматта кайтып келебиз. Бул убакыттын маселеси гана», — деди президент.
Мурда Пентагон Улуттук гвардиянын аскерлерине башаламандыкты басуу үчүн даяр болууну тапшырган.
2025-жылдын 27-сентябрында Трамп Портлендге «ички терроризмге» каршы күрөшүү үчүн Улуттук гвардиянын бөлүктөрүн жиберди. Ал жергиликтүү иммиграция жана бажы кызматкерлеринин «Антифа» кыймылынын катышуучулары жана башка мыйзам бузуучулар тарабынан кол салууга кабылып жатканын билдирди. Бул окуялардын алдында президент «Антифаны» террордук уюм катары квалификациялады.
