Бишкек шаардык мэриясында кадрдык курамда өзгөрүүлөр болду, бул тууралуу муниципалитеттен маалымдашты.
Физикалык культура жана спорт, ошондой эле жаштар саясаты департаментинин директорлугуна Каныбек Жолчубеков дайындалды. Ал буга чейин Раатбек Санатбаев атындагы олимпиадалык резервдин адистештирилген балдар-өспүрүмдөр мектебинде жетекчилик кызматта иштеп келген.
Мындан тышкары, Жоомарт Шамканов "Дельфин" адистештирилген балдар-өспүрүмдөр мектебинин директорлугуна дайындалды. Тиешелүү буйруктун колу Бишкек мэри Айбек Джунушалиевге таандык.
