«Олимпиялык спорт түрлөрүндө мыкты эркек спортчу» наамына боксчу Омар Ливаза ээ болду. Бул жылы ал IBA уюмунун алдында өткөн дүйнө чемпионатында күмүш медаль утуп, 22 жашка чейинки спортчулар арасында Азия чемпионатында биринчи орунду алды.
Ошентип, Ливаза чоңдор арасында дүйнө чемпионатынын финалына чыккан биринчи кыргызстандык боксчу болду.
Мындан тышкары, мыкты спортчу наамына күрөшчүлөр Бекзат Алмаз уулу, Абдумалик Карачов жана Асан Жанышов, ошондой эле байдарочник Эрлан Султангазиев да талапкер болушту.
