Кыргызстандын парадзюдо федерациясынын маалыматына ылайык, Мааткабылов улуттук командасынын башкы машыктыруучусу Канат Имияновдун парадзюдону өнүктүрүүгө жана дүйнөлүк деңгээлде атаандаша ала турган спортчуларды даярдоого кошкон маанилүү салымын белгиледи. "Анын профессионалдуулугун, ишине берилгендигин жана жогорку жетишкендиктерин тааныгандыгыбыздын белгиси катары, машыктыруучуга KIA Optima унаасы тапшырылды", - деп айтылат федерациянын билдирүүсүндө.
Айбийка көрүү мүмкүнчүлүгү чектелген жана соо адамдар үчүн дзюдодон Азия чемпионатында жеңишке жетип, Бразилиядагы Гран-при турниринде да жеңишке жетти. Мындан тышкары, ал дүйнө чемпионатында коло медаль утуп, Египетте жана Казахстанда Гран-принин эки этабында үчүнчү орунду ээлеп алды.
Фердауза Убарикова быйыл дүйнө чемпионатында күмүш медаль утуп, Египеттеги Гран-при турниринде коло медаль алды.
