Документте айтылгандай, «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамдын 34-беренесине, ошондой эле «Муниципалдык менчик жөнүндө» мыйзамдын 6-беренесине таянып, Ош шаарынын мэриясынын мамлекеттик менчикте турган жана Ош шаарынын аймагында жайгашкан мүлктү Ош шаарынын муниципалдык менчигине өткөрүү боюнча сунушун карап, талкуулап, 2025-жылдын 19-декабрында Ош шаардык кеңешинин архитектура, курулуш, муниципалдык менчик, экология жана өзгөчө кырдаалдар боюнча туруктуу депутаттык комиссиясынын № 63 чечимин эске алып, Ош шаардык кеңеши мамлекеттик менчиктен Ош шаарынын муниципалдык менчигине кабыл алууга макулдук берди:
– ОАО «Кыргызкөмүргө» тиешелүү болгон, Ош шаары, Алишер Навои көчөсү, 54 дарегинде жайгашкан кыймылсыз мүлк (жер участогу менен имарат);
– Ош облустук балдар-өспүрүмдөр спорт мектебине тиешелүү болгон, Ош шаары, Алымбек-датка көчөсү, 5/2 дарегинде жайгашкан кыймылсыз мүлк.
Шаардык кеңеш Ош шаарынын мэриясына мыйзамда белгиленген тартипте мүлктү муниципалдык менчикке кабыл алуу боюнча тиешелүү иш-чараларды өткөрүүнү милдеттендирди.
Буйрук расмий жарыяланган күндөн тартып күчүнө кирет.
